13 Mensis Martii 1389. Inquisitio etc. ad denuntiationem Ministralium Cappellae sancti Stefani.
Vobis domino Potestati vestrisque iudicibus ad maleflcia deputatis Franciscus Gurdini de Blanchis, et Ludovicus quondam Stasi de Bonanis de Florentia Ministrales capelle Sancti Stephani ex suo officio, et iure sui officii denuntiant quod Ser Arichus quondam Ser Johannis de Ferro de Pistorio habitator bon. in dicta cappella culpabiliter, et fatue ac incircumspecte et contra consilium quamplurium proborum Magistrorum et contra id quod omnes scire debent laboravit et laborari fecit in quadam Turri quae vocabatur comuniter la Torre de Rodaldi posita in Civitate Bon. in dicta cappella iuxta domum Gordini Lenzi de Cospis, iuxta domum habitationis dicti Ser Arici, et iuxta viam publicam, et ipsam turrim sgrustari et scarnari fecit a parte interiori in pedem et fundamentum dictae Turris et angulos ipsius Turris a parte interiori incisit et incidi fecit. Ex qua sgrustatione, scarnatura et incisura praedita Turris cecidit super domum domine Colae quondam Dini de Ghuio positam in dicta cappella, iuxta Pedruccium Blanchi de Blanchis et iuxta viam publicam a duobus lateribus in qua domo erat Isabetta vocata Betta quondam Guidi de Querziedo habitatrix dictae domus proter quam casuram ipsius Turris praedicta domus coruit et cecidit super praedictam Isabettam et ipsam (1). Ex quibus ipsa domina Isabetta mortua est et decessit. Et praedicta casura et ruina dictae turris et domus et homicidium fuit de anno praesenti et de mense Januarii proximi preteriti, in dictis locis superius positis et confinatis. Praedicta vero laboratura seu scarnatura seu sgrustatura et seu incisura et alia de quibus fit mentio fuerunt de anno 1386 de mense Martii principaliter et postea successive aliis mensibus. Quae mors seu quod homicidium a duobus diebus citra ad eorum Ministralium et utriusque notitiam pervenerunt.
Testes qui praesentes fuerunt casurae praedictae turris sunt: frater Minus de Sellis, Andreas de Lombardis, Marcus Mattei de Florentia, frater Matteus de Raysiis, Dominicus de Verona.
Testes qui viderunt Isabettam mortuam sub dicta ruina in domo quae cecidit sunt: Vandinus de Blanchis, Andreas de Lombardis, Ugolinus de la Volta, Pedruccius de Rodaldis, Franciscus de Gucho.
Testes qui viderunt dictum Ser Arichum facere laborari seu scarnari etc. in dicta Turri sunt: Bartolomeus Marescalchus, Tarlatus de Beccadellis, Pedruccius de Rodaldis, frater Mateus de Raysiis, Vandinus de Blanchis.
Exibita die 24 mensis Martii.
Inchoata Inquisitio dicta die 1389.
(Toselli, spoglio ms. dell’ arch. crim. parte 2. pag. 401).
(1) In bianco nell’apografo.
