Eodem die (Jovis tercio jntrantis Aprilis, Millesimo ducentesimo nonagesimo secundo, Inditione quinta).
Cum dominus Jacobus quondam Symonis notarius procurator domini Petri Blanchiti ad infrascripta constitutus ex instrumento Acardj Johanis de Musonibus notarij procuratorio nomine pro eo vendidit et cartam venditionis fecit Phylippo quondam Guidonis de Codoglola Comitatus Favencie quandam domum cum turri et alia domo cum ea congiunta curia mediante, juxta priorem Sancti Donati a duobus lateribus et heredes quondam Alberti Picigoti et stratam pubblicam, ementi et recipienti vice et nomine domini Petri quondam domini Ursolini de Ursis, pro precio Mille libr. bon. et ipsum precium solvere de pecunia et avere predicti domini Petri de Ursis ut dixit. Ex instrumento ipsius emptionis scripto manu infrascripti Salamonis not. ; ideoque predictus dominus Petrus Blancitus precibus et ad instanciam predicti domini Petri de Ursis et libero amore et ne eidem incurere possit dampnum aliquod de emptione predicta promisit eidem domino Petro de Ursis predictam venditionem et precij solutionem et omnia et singulla supradicta et infrascripta perpetuo firma habere, et dictum dominum Petrum de Ursis promisit indempnem conservare et liberare a predicta emptione et quod non teneatur de legitima defenssione aliaque racione, sub pena Mille lib. bon. Ex instrumento Salamonis Petri Alerisij not. heri facto bon., sub porticu domus dicti domini Petri de Ursis, presentibus etc.
Lib. 11 Memorial. Guidonis Benzevenis de Casola not., fol. Ivi).
