Eodem die (Veneris Secundo Aprelis Millesimo ducentesimo octuagesimo tercio, Indictione xj).
Dominus Ubaldinus condam domini Guilielmi de Malavoltis iure proprio vendidit domino Galopio filio domini Guilielmi de Lambertinis duas staciones positas in civitate bon., iuxta heredes domini Guidonis Uguicionis et iuxta viam et iuxta quamdam stationem positam in trivio Bonizorum, iuxta dominum Guidogherium de Galluciis et dictum venditorem. Item domum que est a latere retro dictarum stationum iuxta heredes domini Guidonis Scamogne a duobus lateribus et iuxta viam. Item medietatem turris que est a latere de subtus a terra usque ad celum, iuxta dominum Uguicionem de Guarinis et iuxta vias a duobus lateribus et iuxta aliam medietatem dicte turris, que est a latere de supra cum medietate porticus qui pertinet ad istam medietatem turris a terra usque a celo (sic) remanendo scala de aisso que est a latere sero dicte turris comunis cum domina Bertolomea uxore Guilielmi domini Guidogherij de Galuciis. Item unam domum etc., pro precio Tregentarum lib. bon. Ex instrumento domini Graciadey Aymerici not. hodie facto bon. in domo heredum domini Ugolini Caprici de Lambertinis, presentibus etc.
Lib. 51 Memorial. Zacharie quondam Rolandi not., fol. lxxij.
