Die Jovis septimo decimo mensis Septembris (Millesimo ducentesimo nonagesimo tercio, Indictione sexta).
Cum ecclesia Sancte Tecle de Guezis civitatis bonon. ad utilitatem et in utilitatem cederit ad profectum infrascriptam permutationem facere ex eo quod maiores et meliores reditus ipsa Ecclesia consequetur, ut de hoc a dompno Bertholomeo rectore ipsius Ecclesie, coram domino Gerardo de Cornavano canonico tornazensi et vicario venerabilis patris domini Octaviani bonon. Episcopi facta extitit plena fides, idem dompnus Bertholomeus obtenta licentia a dicto domino vicario de licentia et auctoritate predicti domini Episcopi de infrascripta permutatione facienda pro se et suis sucessoribus et nomine et vice dicte Ecclesie et pro ipsa Ecclesia dedit, tradidit et permutavit jure proprio in perpetuum dominis Rolando de Foscarariis, Gardino de Pegolottis et Naclerio de Pavanensibus dominis et officialibus bladi pro comuni bon. et suprastantibus laboreriis pallatij quod de novo fit iuxta plateam comunis bononie sive domorum olim de Guezis recipientibus nomine et vice Comunis bon. et pro dicto Comuni unam domum planam latitudinis in testa viginti unius pedis et quarte partis alterius et longitudinis quindecim pedum sine portutu et cum porticu septem pedum dicte Ecclesie Sancte Tecle positam in civitate bonon., in dicta capella iuxta vias a duobus lateribus et iuxta domos partis germiensium et Ecclesie que fuerunt domini Francischi domini Ac- cursij a tercio et iuxta casamenta dicte partis que fuerunt de Guezis, ad habendum, tenendum et possidendum et quidquid dicto Comuni et eius successoribus deinceps placuerit propter faciendum cum omnibus et singulis que infra predictos continentur contìnes. Et hoc nominatim pro una petia terra (sic) vineate posita in guardia civitatis bon.. in contrata que dicitur Santus Viti iuxta possessiones Ecclesie Santi Mathei de Acharixiis et iuxta Jacobum de Pegolottis et iuxta Bolognum becarium etc. Qui predicti domini suprastrantes nomine et vice comunis bonon. dederunt, tradiderunt et permutaverunt predicto dompno Bertolomeo recipienti nomine et vice dicte Ecclesie eodem modo in cambium pro domo predicta ad habendum, tenendum et possidendum. Ex instrumento Henrigipti Feliciani not. facto hodie bonon. in caminata inferiori pallatij episcopatus bon. in presentia domini Gerardi predicti etc. presentibus etc. presbitero Michaele rectore Ecclesie Sancte Marie fratrum gaudentium etc.
Lib. 85 Memorial. Bianchi Bertholi Bellondini not., fol. xx verso.
