Millesimo ducentesimo nonagesimo, Indictione tertia, die martis duodecimo mensis Decembris.
Dominus Dominicus et Johanes fratres et filij quondam domini Azolini Vitalis jure proprio inperpetuum vendiderunt Arimondo filio quondam domini Petri sive Picoli domini Rolandini de Romancijs ementi et recipienti presenti et conscentiente et auctorante hijs omnibus et singulis in hoc instrumento contentis domino Alberto Rubeo de Romancijs curatore ipsius Arimondi ad predicta et infrascripta specialiter constituto etc. duas partes domorum, Turium et Curtilis positi bon., in capella Sancti Fabiani que olim fuerunt domine Bolnixie filie quondam domini Guidonis domini Barofaldini et quondam uxoris domini Ugolini de Senno, juxta Gatarios, juxta dominum Passipoverum quòndam domini Chastellani Baioli sive Faciolum de Gislerijs, juxta viam publicam, juxta Malavoltos, Avesella sive Aposa mediante, quas duas partes dictarum domorum turium et curtilis dictus Dominicus et Johanes habebant pro indiviso cum domino Johane filio fratris Francissci de Ygnano, pro precio dictarum duarum parcium domorum turium et curtilis Mille libr. bon. et cetera, cum omnibus alijs pactis etc. in instrumento contentis. Ex instrumento Jacobi quondam domini Bonagraciè Machalde not; facto hodie bon., in pallatio veteri comunis bon. etc. pressentibus etc.
Lib. 77 Memorial. Johanini Manelli not., fol. cvij.
